Saturday, February 4, 2017

12:41 AM

AINA TOFAUTI ZA MAOMBI

AINA TOFAUTI ZA MAOMBI.

Bwana Yesu asifiwe Rafiki yangu katika Kristo Yesu karibu tena siku ya Leo ndani ya chuo chetu hiki cha maarifa ya kiroho, ili tupokee siri hizi.

{ KIPENGELE CHA PILI.}

Jana tuliangalia aina ya maombi ambayo ni maombi ya kulalamika naamini somo hilo la Jana limefanyika baraka kwako, na kama na wewe ulikuwa unaomba huku unalalamika najua kwamba umeshaanza kubadilika.

Tusongee mbele kidogo Leo tena.

KUNA MAOMBI YA KUOMBOLEZA.

Katika aina za maombi nataka ufahamu kwamba kuna maombi ya kuombeleza ambayo unaweza kuyafanya mbele za Mungu na Mungu akaingilia kati jambo hilo unaloliombea.

        YEREMIA 9

"17 BWANA wa majeshi asema hivi, Fikirini ninyi, mkawaite wanawake waombolezao, ili waje; mkatume na kuwaita wanawake wenye ustadi, ili waje;"

"18 na wafanye haraka na kutuombolezea, ili macho yetu yachuruzike machozi, na kope zetu zibubujuke maji".

Soma na mstari wa 20-21.

Tunamuona Mungu anawatafuta wanawake Waombolezaji ambao wanatakiwa wafanye haraka kuingia kwenye haya maombi ya kuomboleza na anasema pia wawafundishe na binti zao kuomboleza na kila jirani alie mbele zake kwasababu mauti imepandia kwenye nyumba zao.

     Kwahiyo unaona kwamba kuna jambo baya limeingia kwenye nyumba za hawa wanawake na Mungu anawataka waombe maombi ya kuomboleza kutokana na kile kitu kibaya kilichoingia ndani ya nyumba zao.

✔ Unaweza kumwendea Mungu kwa kufanya maombi haya ya kuomboleza kutokana na mambo ambayo ni chukizo unayoyaona ndani ya kanisa, ndani ya familia, ndani ya mji n.k

Sio tu kwamba wanawake ndio wanaotakiwa kufanya haya maombi ya kuomboleza hapana hata wanaume nao wanatakiwa kufanya maombi haya ndio maana Biblia ikasema "Na wafanye haraka na kutuombolezea, ili macho yetu yachuruzike machozi, na kope zetu zibubujike maji"
Kwahiyo tunahitaji kwenda mbele za Mungu kufanya maombi haya ya kuomboleza kutokana na maovu yanayoendelea kutendeka na tunayashuhudia kwa macho yetu na kuyasikia, hebu tuimimine mioyo yetu mbele za Mungu kwa kuomboleza na kumsihi Mungu asamehe haya yanayoendelea kwenye kanisa, familia, koo, miji, serikali n.k ambayo ni chukizo mbele za macho yake.

           YOELI 1

"13 Jikazeni mkaomboleze, enyi makuhani; Pigeni yowe, enyi wahudumu wa madhabahu; Njoni mlale usiku kucha katika magunia, Enyi wahudumu wa Mungu Wangu; Kwa kuwa sadaka ya unga na sadaka ya kinywaji Zimezuiwa katika nyumba ya Mungu wenu"

"14 ......iteni kusanyiko la dini, Wazee na wakusanye wenyeji wote wa nchi; Waende nyumbani kwa Bwana, Mungu wenu, Na kumlilia BWANA"

Naomba usome hiyo Yoeli Yote katika sura hii ya kwanza.

✔ Unamuona Mungu anazuia sadaka zisije kanisani na kuwataka makuhani yaani wachungaji na wahudumu wote wa madhabahu yake wafanye maombi haya ya kuomboleza na kulala usiku kucha kwenye madhabahu kwa sababu mvua ameizuia na matokeo yake wakulima wameshindwa kupanda na mifugo inakufa yenyewe kwa kukosa malisho.

Kwahiyo yako mambo ambayo yanatokea ambayo Mungu akiyatazama hayamfurahishi kabisa sasa nani wa kuyaombea? Ni Mimi na wewe twende mbele za Mungu tuomboleze na kumsihi asamehe huo uovu na dhambi anazozitazama, na tukiomba kwa Imani Mungu Baba atasamehe.

            YOELI 2
"12 Lakini hata sasa, asema BWANA, nirudieni Mimi kwa mioyo yenu Yote, na kwa kufunga, na kwa kulia, na kwa kuombolea".

Hii ni aina ya Maombi ambayo Roho Mtakatifu anaweza kukuongoza kuyaomba haya maombi ya Kuomboleza na wewe ingia na kuomboleza mbele za Mungu na kumsihi asamehe na kuingilia kati jambo hilo, naye atakujibu.

➤ Tuwapate wapi Wanawake na Wanaume watakaoomboleza mbele za Mungu?

➤ Tuwapate wapi vijana wakiume na wakike watakaoomboleza mbele za Mungu?

Kwaajili ya kanisa, nchi, miji, familia, koo,? Wako wapi?

Roho Mtakatifu akuwezeshe kusimama mbele za Mungu kufanya maombi haya ya Kuomboleza mahali ulipo.

Kwa Leo naishia hapa tukutane tena siku ya kesho ambapo nitakuonyesha aina ya tatu ya Maombi.

Kwa mawasiliano nami utanipata kwa namba hizi

Vodacom 0765 867574.
Tigo 0673 784197.
Airtel 0785 855785.

KAULI MBIU MWAKA 2017

( 1 ) Acha dhambi.
( 2 ) Yesu Kristo anakuja.
( 3 ) Ishi katika maisha ya Utakatifu kila siku.

Mimi ni Mwalimu Samwel Kibiriti Rafiki yako katika Kristo Yesu.

@Kibiriti 2017, February 2.

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti 0

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti

Mwanzo 1:26-28 ( Katiba ya Ufalme ) "Elohim akasema, “Na tumfanye adam kwa asili au taswira au nakala yetu, sawasawa kama sisi tulivyo; ili awe mtawala wa kifalme kwa samaki wa baharini, na ndege wa angani, na Wanyama, na dunia yote pia, na kila chenye kutambaa juu ya dunia. ” 27 Elohim akamuumba yule Adam kwa nakala/taswira yake Elohim alimuumba, alimuumba mwanamume na akamuumba mwanamke. 28 Elohim akawabariki, Elohim akawaambia, zalisheni yaani fanyeni vitu kutokea, mkaongeze uzalishaji, kisha uzalishaji huo ujae dunia yote, na kutiisha uzalishaji usipungue; mkawe watawala wa kifalme kwa samaki wa baharini, na ndege wa angani, na kila kiumbe chenye uhai kiendacho juu ya dunia yote.

12:18 AM

AINA TOFAUTI ZA MAOMBI.

AINA TOFAUTI ZA MAOMBI.

SOMO LA KWANZA 2017

Bwana Yesu asifiwe Rafiki yangu katika Kristo Yesu.
Nakukaribisha sana ndani ya darasa hili la kupokea maarifa ya kiroho sawa sawa na vile ambavyo Roho Mtakatifu atatuongoza kujifunza
.
Naamini kwamba somo la kuomba au maombi umelisikia sana likifundishwa sana na watumishi wa Mungu maeneo mbalimbali.

Sasa Mimi katika SOMO hili limelenga mambo haya yafuatayo:

1 Kukuonyesha AINA tofauti tofauti za maombi.

2 Kutokana na wewe kuelewa hizi aina tofauti za maombi utabadilisha uelewa wako kuhusu maombi, kwa sababu inawezekana kuna makosa unayoyafanya kuhusu maombi.

3 Kupitia somo hili litakusaidia kupata majibu kutokana na kuomba kwako.

Kwahiyo fungua moyo wako ili Roho Mtakatifu aweze kusema nawe kupitia somo hili.
Na somo hili nitaligawa kwenye vipengele tofauti tofauti, kwahiyo hakikisha kwamba unafuatilia kipengele kimoja baada ya kingine. Karibu twende pamoja.

{ KIPENGELE CHA KWANZA }

KUNA MAOMBI YA KULALAMIKA.

Katika aina tofauti za maombi nataka ufahamu kwamba kuna maombi ambayo unaweza kuyafanya lakini yakawa ni maombi ya kulalamika, yaani unaomba huku unalalamika.

Wako watu wengi sana ambao wanajua kwamba wanaomba kumbe wanalalamika lakini hawaombi Bali wanamlalamikia Mungu.

HABAKUKI 1

1 Ufunuo aliouona Nabii Habakuki.

2 Ee BWANA, nilie hata lini, wewe usitake kusikia? Nakulilia kwa sababu ya udhalimu, ila hutaki kuokoa.

3 Mbona wanionyesha uovu, na kunitazamisha ukaidi? Maana uharibifu na udhalimu u mbele yangu; kuna ugomvi, na mashindano yatokea.

4 Kwa sababu hiyo sheria imelegea, wala hukumu haipatikani; kwa maana watu wabaya huwazunguka wenye haki; kwa sababu hiyo hukumu ikipatikana imepotoka.

➡ Hii ni habari ya Nabii Habakuki unamuona analalamika sana kuhusu mji aliokuwa anaishi yako mambo mabaya yalikuwa yanaendelea ndani ya huo mji.
     Akajikuta badala ya kuomba na kumuomba Mungu akawa analalamika kutokana na mambo Yale aliyokuwa anayaona kwenye huo mji.

                       HABAKUKI 2

"1 Mimi nitasimama katika zamu yangu, nitajiweka juu ya mnara, nitaangalia ili nione atakaloniambia, na jinsi nitakavyojibu katika habari ya kulalamika kwangu".

Unamuona Nabii Habakuki akiweka wazi kwamba katika sura ya kwanza aliwekwa na Mungu katika zamu aombe kwaajili ya mji aliokuwamo lakini akawa analalamika badala ya kuomba, na Mungu alinyamaza kimya wakati analalamika hakumjibu.

     Na katika hii sura ya pili ya Habakuki ndio unaona sasa akaamua kusimama katika zamu yake na Kumuomba Mungu na akaacha kulalamika.

✔ Nataka nikuulize swali hili wewe Rafiki yangu Je wewe katika maombi unamuomba Mungu au unamlalamikia Mungu?
Wengi sana hawaombi Bali wanalalamika.

➡ Sikiliza Mungu anaweza kukuonyesha mambo ya udhalimu na uovu kwenye hilo eneo unaloishi, kufanyia kazi, au hapo unaposali kama alivyomuonyesha Habakuki, Je Ukiyaona mambo hayo unamuomba Mungu aingilie kati na kuondoa huo udhalimu, uovu, ugomvi, na kupatikana kwa haki kwenye huo mji au unalalamika unapoyaona mambo hayo?

✔ Je hayo mambo mabaya unayoyaona ndani ya familia yako na ukoo wako unamuomba Mungu ayaondoe au unalalamika kutokana na kuona mambo hayo?

➡ Nakuomba badilisha mtazamo wako kuanzia sasa hivi kuhusu Maombi acha kulalamika Bali omba.

Acha kulalamika kwaajili ya mambo mabaya unayoyaona kwenye Nchi, serikali, kwenye familia yako/yenu, kwenye ukoo wenu, kwenye mji unaoishi na kufanyia kazi, kwenye shule unayosoma, kwenye kanisa/huduma, n.k
Acha kulalamika Bali ingia kwenye maombi na muombe Mungu abadilishe hayo unayoyaona na kuyasikia.

Tukutane siku ya kesho tukiangalia kipengele cha pili. Fanyia kazi kipengele hiki tulichojifunza.

Neema ya Kristo Yesu ikuongoze.

Kwa mawasiliano nami utanipata kwa namba hizi

Vodacom 0765 867574
Tigo 0673 784197
Airtel 0785 855785.

KAULI MBIU YA MWAKA 2017.

( 1 ) Acha dhambi.
( 2 ) Yesu Kristo anakuja.
( 3 ) Ishi katika maisha ya Utakatifu kila siku.

Mimi ni mwalimu Samwel Kibiriti Rafiki yako katika Kristo Yesu.

@2017, February 1

Chuo Cha Maarifa ya Kiroho

YOUR DESCRIPTION HERE

samwelkibiritiministry.blogspot.com|By Chuo Cha Maarifa ya Kiroho

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti 0

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti

Thursday, February 2, 2017

2:31 AM

MUNGU HAPOKEI SADAKA YA MTU MWOVU.

TAHADHARI JUU YA KANISA.

MIMI SITANYAMAZA KABISA NITAELEZA KWELI YA NENO LA MUNGU.

                            ISAYA 62:1

"Kwa ajili ya Sayuni ( Kanisa ) SITANYAMAZA, na kwa ajili ya Yerusalem sitatulia,....."

Siwezi kunyamaza kabisa kuona Neno la Mungu linapindishwa na Kanisa kutokuelezwa kweli ya Mungu. Pia siwezi kunyamaza kuona Uovu unazidi kuchipuka ndani ya kanisa, hapana nitasema.

Najua wengi watanichukia lakini sitaweza kunyamaza.

Yako mambo kadhaa ambayo nataka niyaseme kwa ukweli ambayo yanafanyika ndani ya Kanisa na kumdhalilisha Bwana Yesu.

                 JAMBO LA KWANZA.

JE MUNGU ANAWEZA KUIPOKEA SADAKA YA MTU MWOVU?

Ni kweli kabisa kwamba Mungu Baba ndiye aliyeanzisha Utoaji Sadaka na ndiye kaweka utaratibu huu wa mwanadamu kutoa sadaka kwake.

Lakini pamoja na kwamba Mungu Baba ndiye katoa utaratibu wa mwanadamu kutoa sadaka kwake sio kila sadaka ambayo mwanadamu anaitoa Mungu anaipokea, au ataipokea hapana kabisa.
Leo hii kwenye Makanisa mengi na kwenye huduma za aina mbalimbali unasikia watu wakiambiwa toa sadaka toa sadaka na Mungu atakubariki na kukuinua Je ni kweli kabisa kila anayeitoa hiyo sadaka Mungu anaipokea? Jibu lake ni hapana.

Na mbaya zaidi watu hawafundishwi kuhusu sadaka gani ambazo Mungu hazipokei na sadaka zipi anazozipokea. Wanachotangaziwa na kulazimishwa kutoa tu sadaka.

Ngoja nikwambie ziko sadaka ambazo Mungu hawezi kuzipokea, kwa sababu Mungu ameweka utaratibu wake kuhusu Utoaji sadaka kwa mwanadamu na utaratibu huo uko ndani ya Neno lake Biblia.
Ngoja nikusomee mistari hii uone kitu ambacho Mungu anasema kwa habari ya sadaka.

                                           MITHALI 15

"8 Sadaka ya mtu MBAYA ni chukizo kwa BWANA......"

Unaona Sadaka anayotoa mtu mbaya ni chukizo mbele za Mungu yaani Mungu haipokei hiyo sadaka kabisa.

                                          MITHALI 21

"27 Sadaka ya wasio haki ni chukizo;........."

Unaona sadaka ya mtu asiye Haki akiitoa mbele za Mungu ni chukizo hiyo sadaka kwa maana kwamba Mungu haipokei hiyo sadaka.

                                                   AMOSI 5

"22 Naam, ijapokuwa mnanitolea sadaka zenu za kuteketezwa na sadaka zenu za unga, SITAZIKUBALI; wala SITAZIANGALIA Sadaka zenu za amani, na za wanyama walionona".

Unamuona Mungu anasema hata kama mnatoa sadaka zenu yeye Hatazikubali na wala Hataziangalia kabisa kwanini?

Ziko sababAu kadhaa zinazomfanya Mungu asikubali na kuziangalia hizo sadaka na sababu mojawapo ni kwamba huyo anayeitoa hiyo sadaka ni mtu mbaya au mwenye dhambi.

Nimalizie kusema kwamba kama wewe ni mwenye dhambi na mtu mwovu ukimpelekea Mungu Sadaka zako hatazipokea kabisa uelewe hivyo.

Huyo mhubiri atapokea sadaka yako lakini Mungu hawezi kabisa kuipokea.
Je wewe sadaka zako unazotoa na kuambiwa na wahubiri utoe Mungu anazipokea au anazikataa na kutokuzikubali?

Ni lazima unapotoa Sadaka ufuate Kanuni na taratibu ambazo Mungu kaziweka ndani ya Neno lake zinazosimamia Utoaji sadaka.

Na sisi Wahubiri ni lazima tuwaambie Ukweli watu wanaotoa sadaka zao ili Mungu aweze kuzipokea sio tuwaambie tu toa toa toa sadaka wakati Mungu hatazipokea hizo sadaka zao. Tuiseme kweli ya Neno la Mungu kuhusu Utoaji sadaka.

Ni lazima unapompelekea Mungu Sadaka ni uwe umejitakasa kwa damu ya Yesu na uwe na Mahusiano mazuri na Bwana Yesu.

Tukutane wakati mwingine ambapo nitaendelea tena na ujumbe huu.

Peleka ujumbe huu kwa watu wengine.

@Kibiriti 2017.

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti 0

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti

2:12 AM

NEEMA YA MUNGU NI KUBWA KWENYE MAISHA YANGU

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti 0

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti

Wednesday, February 1, 2017

10:21 AM

KARIBU KATIKA BLOG HII YA CHUO CHA MAARIFA YA KIROHO.

           BWANA YESU ASIFIWE

NAWAKARIBISHA NDANI YA BLOG HII AMBAPO UTAKUWA UNAJIFUNZA NA KUPATA MAARIFA KUPITIA MASOMO MBALIMBALI AMBAYO NITAKUWA NAYAFUNDISHA NDANI YA BLOG HII.

PIA YAKO MASOMO MBALIMBALI YA WATUMISHI WA MUNGU AMBAYO YATAKUWA YANAPATIKANA NDANI YA BLOG HII.

HAKIKISHA UNAWAKARIBISHA PIA MARAFIKI NA NDUGU ZAKO WAWE PIA WANAINGIA KWENYE HII BLOG.

KARIBU SANA NA NEEMA YA MUNGU NA BARAKA ZAKE ZIWE PAMOJA NA WEWE NA FAMILIA YAKO.

   MIMI NI MWALIMU WA NENO LA MUNGU SAMWEL KIBIRITI.

   MAWASILIANO YANGU.

+255 765 867574, VODACOM
+255 673 784197, TIGO
+255 785 855785, AIRTEL

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti 0

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti

Monday, January 30, 2017

7:49 AM

SEMINA YA NENO LA MUNGU SIKU YA KWANZA

TUNAWAKARIBISHA KATIKA SEMINA IKIWA SIKU YETU YA KWANZA. UYOLE - MBEYA

Kwa mawasiliano zaidi Piga

+255 765 867574

+255 673 784197

+ 255 785 855785

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti 0

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti

2:23 AM

HISTORIA FUPI YA MWANDISHI

HISTORIA FUPI YA MWANDISHI:

Mimi kwa jina ni Samwel Kibiriti ni mwalimu wa Neno la Mungu ambapo Mungu Baba ameniita katika huduma hii tokea mwaka 2008 January ndipo nikaanza kufanya huduma nikiwa katika ofisi hii ya Ualimu, na kuzifunua siri za Ufalme wa Mungu kwa watu na kuwapatia Maarifa ya kiroho. Na mkono wa Mungu na Nguvu zake umekuwa ukitenda matendo makuu katikati ya maisha ya wanadamu.

Ninafundisha katika makongamano makubwa na katika semina mbalimbali za makanisani, naza vijana. Pia mimi ni mwalimu wa kufundisha Neno la Mungu katika shule mbalimbali hapa nchini kuanzia shule za msingi hadi vyuo vikuu.

Na tena Mungu amenipatia nafasi ya kufundisha Neno lake katika mitandao hii ya kijamii na ambapo nimefanikiwa kusema na maelfu na maelfu ya watu kupitia mitandao hii.

Niko tayari kufundisha Semina na kutumika katika kanisa lolote lile na ministry yoyote ile, tena niko tayari kufika katika shule yoyote ile na kusema na wanafunzi kwa habari za ufalme wa Mungu na kuomba nao ili kufunguliwa.

Napenda nikukaribishe kujifunza zaidi kwa habari za Ufalme wa Mungu kupitia mafundisho mbalimbali ninayofundisha kwenye mitandao ya kijamii.

Ambapo kwa WhatsApp niko na magroup mawili, Group la CHUO CHA MAARIFA YA KIROHO na group la CHUO CHA BIASHARA, hapa utapata maarifa mbalimbali ya kiroho kuhusu maisha yako na kuhusu kufanya biashara na kupata faida, lakini pia niko kwenye magroup mengine mengi ambapo nimeingizwa nako huko kufundisha Neno la Mungu.

Kwa Facebook ukihitaji kujifunza masomo yangu utanipata katika ukurasa huu Samwel Kibiritiministry

Pia unaweza kufuatilia na kujifunza masomo yangu kupitia blogspot hii www.samwelkibiritiministry.blogspot.com au unaweza tu ukaandika “Chuo cha Maarifa ya Kiroho”.

Na kupitia Email utanipata katika Email hii Pastorkibiriti@gmail.com

Kwa mawasiliano nami kwa kuhitaji msaada wa maombi ya aina yoyote aukuhitaji Ushauri utanipigia katika namba hizi hapa.

Vodacom +255 765 867574.

Tigo +255 673 784197.

Airtel +255 785 855785.

ELIMU SAHIHI YA UFALME ( Mwanzo 1:26-28 ) Mwlm Samwel M Kibiriti 0